Böyük beşlikdə işlər necədir?
Novator.az Avropanın aparıcı milli futbol çempionatlarının gedişinə nəzər salıb.
27 oyundan sonra İngiltərə çempionatında “Liverpul” 66 xalla liderdir. “Mançester Siti” 65, “Tottenhem” 60, “Arsenal” 53, “Mançester Yunayted” 52 xal yığıb. 26 oyun keçirən “Çelsi”nin 50 xalı var.
İspaniya çempionatının lideri “Barselona” 25 turda 57 xal qazanıb. “Atletiko” 50, “Real” 48, “Xetafe” 39, “Sevilya” və “Alaves” 37, “Betis” 36 xal toplayıb.
25 oyunun ardından İtaliya çempionatında turnir cədvəlinə 69 xal yığan “Yuventus” başçılıq edir. “Napoli” 56, “İnter” 47, “Milan” 45, “Roma” 44 xal götürüb.
Almaniya çempionatında 23 oyuna 54 xal yığan Dortmund “Borussiya”sı öndədir. “Bavariya” 51, “Borussiya” (Mönhenqladbah) 43 xalla növbəti sıralarda qərar tutublar. “Leypsiq” 22 oyunda 41 xal əldə edib.
Fransa çempionatında 25 oyuna 68 xal yığan PSJ birincidir. “Lill” 26 oyunda 51, “Lion” 46 xal toplayıb.
