AXCP üzvləri həbs olunub
Ötən həftənin sonlarında AXCP üzvləri Tofiq Məmmədov və Baba Süleymanov həbs ediliblər.
Hər iki fəal Bakıda tutulub və hər ikisi İnzibati Xətalar Məcəlləsinin 535.1-ci (polisin qanuni tələbinə qəsdən tabe olmama) maddəsi ilə təqsirli bilinərək 15 sutkalığa həbs olunub.
Tofiq Məmmədov haqda qərar Nəsimi Rayon Məhkəməsində, Baba Süleymanov haqda qərar Yasamal Rayon Məhkəməsində çıxarılıb.
AXCP bu həbslərin siyasi motivli olduğunu iddia edir.
Rəsmi qurumlar sözügedən həbslər barədə məlumat yaymayıb.
