İşsizlərə nə qədər ödəniş verilib?
2019-cu il fevralın 1-nə Azərbaycanın məşğulluq xidməti orqanları 19 min 922 nəfərə rəsmi işsiz statusu, 1136 nəfərə işsizlikdən sığorta ödənişi verib. Ödənişin orta məbləği 216,7 manat olub.
Novator.az-ın məlumatına görə, Dövlət Statistika Komitəsi bölgələr üzrə rəsmi göstəriciləri belə sıralayır:
Bakı – 9 min 273 nəfər rəsmi işsizdən 601-i sığorta ödənişi alıb
Sumqayıt – 1114 nəfərdən 72-si
Ağdam – 690 nəfərdən 2-si
Hacıqabul – 632 nəfərdən 17-si
Bərdə – 546 nəfərdən 2-si
Abşeron – 529 nəfərdən 48-i
Lənkəran – 436 nəfərdən 30-u
Gəncə – 426 nəfərdən 21-i
Quba – 358 nəfərdən 4-ü
Mingəçevir – 329 nəfərdən 18-i
Şəmkir – 303 nəfərdən 12-si
Ağcabədi – 245 nəfərdən 5-i
Şəki – 232 nəfərdən 5-i
Masallı – 211 nəfərdən 20-si
Şirvan şəhəri – 197 nəfərdən 26-sı
Göyçay – 179 nəfərdən 11-i
Şabran – 179 nəfərdən 4-ü
Zaqatala – 176 nəfərdən 3-ü
Neftçala – 161 nəfərdən 4-ü
Beyləqan – 146 nəfərdən 4-ü
Şamaxı – 144 nəfərdən 8-i
Siyəzən – 142 nəfərdən 3-ü
Xaçmaz – 138 nəfərdən 10-u
Balakən – 124 nəfərdən 2-si
Biləsuvar – 123 nəfərdən 1-i
Tovuz – 121 nəfərdən 2-si
Qəbələ – 112 nəfərdən 5-i.
İşsizlikdən sığorta fondunun 2019-cu il büdcəsi 83,4 milyon manatdır.
Sığorta ödənişi işçinin sığorta stajından asılı olaraq onun itirilmiş orta aylıq əməkhaqqının məbləğinə müəyyən faiz dərəcələri tətbiq olunmaqla hesablanır. İşçinin sığorta stajı 3 ildən 5 ilə qədər olduqda onun itirilmiş orta aylıq əməkhaqqının məbləğinin 50%-i, sığorta stajı 5 ildən 10 ilə qədər olduqda 55%-i, sığorta stajı 10 ildən yuxarı olduqda 60%-i məbləğində işsizliyə görə aylıq sığorta ödənişi verilir.
