Rusiyada gəlirlər hansı templə azalır?
Rusiyanın Federal Statistika Xidməti əhalinin gəlirləri üzrə hesabat açıqlayıb. Novator.az xəbər verir ki, hesabata əsasən, 2019-cu ilin yanvarında əhalinin real gəlirləri 2018-ci ilin ilk ayı ilə müqayisədə 1,3% azalıb.
Yanvar ayında adambaşına düşən orta nominal gəlirin ötən ilin eyni ayına nisbətdə 4,2% artaraq 24 min 496 rubl təşkil etdiyi bildirilir.
Yanvarda orta əməkhaqqı 41 min 220 rubl (1063 manat) olub.
Hesabata əsasən, 2018-ci ildə real gəlirlər 2017-ci illə müqayisədə 0,2% azalıb.
Federal Statistika Xidməti qeyd edir ki, real gəlirlər əvvəlki ilə nisbətdə sonuncu dəfə 2013-cü ildə artıb: 4 %.
2014-cü il 0,7%, 2015-ci il 3,2%, 2016-cı il 5,8%, 2017-ci il 1,2% azalma ilə başa çatıb.
Səidə Hüseynova
