Məşğulluq və işsizlik statistikası
2019-cu il fevralın 1-nə iqtisadi fəal əhalinin sayı 5 milyon 130,3 min nəfər olub, onların 4 milyon 876,4 min nəfərini məşğul əhali təşkil edib. Novator.az-ın məlumatına görə, Dövlət Statistika Komitəsi yanvarın 1-nə muzdla işləyənlərin sayını 1 milyon 548,9 min nəfər göstərir. Qeyd olunur ki, iqtisadiyyatın neft sektorunda 34,2 min nəfər, qeyri-neft sektorunda 1 milyon 514,7 min nəfər çalışıb.
2018-ci ilin sonuna ölkə ərazisində 5 min 48 nəfər əcnəbi haqqı ödənilən əmək fəaliyyəti ilə məşğul olub. Onların 32,1 faizi mədən sənayesində, 30,6 faizi tikintidə, 9,9 faizi emal sənayesində, 6 faizi təhsil, 4 faizi turistlərin yerləşdirilməsi və ictimai iaşə, 3 faizi ticarət; nəqliyyat vasitələrinin təmiri, 3 faizi əhaliyə səhiyyə və sosial xidmətlərin göstərilməsi, 11,4 faizi digər sahələrdə çalışıb.
Fevralın 1-nə məşğulluq xidməti orqanlarında 19,9 min nəfər işsiz qeydiyyatdan keçib. İşsizlikdən sığorta ödənişinin orta məbləği 216,7 manat olub.
Dövlət Statistika Komitəsi bildirir ki, 2018-ci ildə 127,4 min daimi iş yeri açılıb, 41,1 min iş yeri bağlanıb.
