Canavarların hücumu ilə bağlı işçi qrup yaradılıb
Goranboy rayonunun Boluslu və Eyvazlılar kəndlərinə canavarların hücum edərək kənd təsərrüfatı heyvanlarına zərər vurması ilə bağlı Ekologiya və Təbii Sərvətlər Nazirliyinə məlumat daxil olub.
Nazirlik bu məlumat əsasında işçi qrup yaradıb.
İşçi qrup Ekologiya və Təbii Sərvətlər Nazirliyinin və “Azərovçu” İctimai Birliyinin əməkdaşlarından ibarətdir.
Ekologiya və Təbii Sərvətlər Nazirliyinin mətbuat xidmətindən Novator.az-a bildirilib ki, işçi qrup vətəndaşların təhlükəsizliyinin təmin olunması və onların əmlakına zərər vurulmasının qarşısının alınması məqsədilə ərazini nəzarətə götürüb. Qrup vəhşi heyvanların sayını tənzimləmək üçün tədbirlər görür.
