Yaxın ölkələrlə alış-veriş
Azərbaycanın yaxın ölkələrlə rəsmi ticarət göstəriciləri bəlli olub. Novator.az-ın məlumatına görə, Dövlət Gömrük Komitəsi bildirir ki, 2019-cu ilin yanvarında Türkiyəyə 127,7 milyon dollarlıq məhsul ixrac olunub.
Gürcüstana 50,3 milyon dollarlıq, Rusiyaya 48,8 milyon dollarlıq, Ukraynaya 38,2 milyon dollarlıq, İrana 8,4 milyon dollarlıq, Belarusa 2,2 milyon dollarlıq, Qazaxıstana 1,4 milyon dollarlıq, Türkmənistana 1 milyon 69,6 min dollarlıq, Özbəkistana 676,8 min dollarlıq, Estoniyaya 271,6 min dollarlıq, Tacikistana 242,9 min dollarlıq, Litvaya 159,2 min dollarlıq, Latviyaya 76,7 min dollarlıq, Moldovaya 30,2 min dollarlıq, Qırğızıstana 29,7 min dollarlıq ixrac qeydə alınıb.
Yanvarda Azərbaycan Rusiyadan 120,6 milyon dollarlıq mal alıb.
Türkiyədən Azərbaycana 92,3 milyon dollarlıq, İrandan 78,3 milyon dollarlıq, Belarusdan 46,6 milyon dollarlıq, Ukraynadan 36 milyon 81,1 min dollarlıq, Qazaxıstandan 20,5 milyon dollarlıq məhsul göndərilib.
Digər ölkələrdən idxal göstəriciləri belədir:
Gürcüstan – 4,5 milyon dollar
Özbəkistan – 3,7 milyon dollar
Latviya – 674,1 min dollar
Litva – 519,2 min dollar
Türkmənistan – 371,7 min dollar
Qırğızıstan – 354,9 min dollar
Moldova – 349,3 min dollar
Estoniya – 160,9 min dollar.
Tacikistandan idxal olmayıb.
