İspaniya növbədənkənar seçkiyə gedir
İspaniya növbədənkənar parlament seçkisinə gedir. Novator.az-ın məlumatına görə, baş nazir Pedro Sançes fevralın 15-də seçkinin aprelin 28-də keçiriləcəyini bəyan edib. Hökumətin növbədənkənar seçki qərarı 2019-cu ilin dövlət büdcəsinin parlamentin aşağı palatasında qəbul edilməməsindən irəli gəlir.
Aşağı palata Sosialist Partiyasının sədri Pedro Sançesi ötən il iyunun 1-də baş nazir seçib. Pedro Sançes bu postda Xalq Partiyasının sədri Mariano Rahoyu əvəzləyib. Mariano Rahoy hakim partiyanın adının korrupsiya qalmaqalında hallanmasına görə istefaya göndərilib.
Sosialistlər 350 nəfərlik parlamentdə 84 nəfərlə təmsil olunduqları üçün qərarların qəbulunda çətinlik çəkirlər.
İspaniyada parlament seçkisi 2020-ci ildə keçirilməli idi.
