ABŞ-da yeni baş prokuror
ABŞ Konqresinin yuxarı palatası – Senat prezident Donald Trampın təqdimatına baxaraq Uilyam Barrı baş prokuror (ədliyyə naziri) postuna təsdiqləyib. Novator.az-ın məlumatına görə, fevralın 14-də keçirilən səsvermədə Uilyam Barrı 52 senator dəstəkləyib, 36 nəfər onun əleyhinə çıxıb.
Ötən ilin noyabr ayında Ceff Seşns baş prokuror postunu tərk edəndən həmin kürsünü müvəqqəti olaraq Metyu Uitaker tuturdu.
2017-ci il yanvarın 20-dən ABŞ prezidenti postunu tutan Donald Trampın kabinetində bu şəxslər də yer alır:
Mayk Pens – vitse-prezident
Mayk Pompeo – dövlət katibi (xarici işlər naziri)
Kirtsen Nilsen – daxili təhlükəsizlik naziri
Stiven Mnuçin – maliyyə naziri
Uilbur Ross – ticarət naziri
Sonni Perdyu – kənd təsərrüfatı naziri
Rik Perri – energetika naziri
Eleyn Lan Çao – nəqliyyat naziri
Ben Karson – tikinti və şəhər inkişafı naziri
Aleksander Akosta – əmək naziri
Aleks Azar – səhiyyə və sosial xidmətlər naziri
Robert Uilki – veteranlarla iş naziri
Betsi Devos – təhsil naziri
Cina Haspel – Mərkəzi Kəşfiyyat İdarəsinin direktoru
Den Kouts – Milli Kəşfiyyatın direktoru
Robert Laytizer – Ticarət Nümayəndəlikləri Ofisinin rəhbəri
Linda Makmen – Kiçik Biznes Administrasiyasının rəhbəri.
Müdafiə naziri vəzifəsində Patrik Şanahan, daxili işlər naziri vəzifəsində Devid Bernhard, ABŞ-ın BMT-dəki daimi nümayəndəsi vəzifəsində Conatan Koen, Ətraf Mühitin Mühafizəsi Agentliyinin rəisi vəzifəsində Endrü Uiler əyləşib. Bu təyinatlar hələ Senatın təsdiqindən keçməyib.
İnzibati-Büdcə İdarəsinin direktoru Mik Malvani Ağ ev aparatının rəhbəri vəzifəsini də icra edir.
