Nazir müavini yubiley ərəfəsində orden aldı
Prezident İlham Əliyev xarici işlər nazirinin müavini Mahmud Məmməd-Quliyevi 2-ci dərəcəli “Vətənə xidmətə görə” ordeni ilə təltif edib. Sərəncamda təltif Mahmud Məmməd-Quliyevin Azərbaycan Respublikasının xarici siyasətinin həyata keçirilməsində uzunmüddətli səmərəli fəaliyyəti ilə əsaslandırılıb.
Mahmud Məmməd-Quliyevin 70 yaşı tamam olur. 1949-cu il fevralın 15-də Gəncə şəhərində doğulan Mahmud Məmməd-Quliyev Azərbaycan Dövlət Universitetinin hüquq fakültəsini bitirib.
Azərbaycan Dövlət Universitetinin müəllimi olub, müxtəlif dövlət orqanlarında xidmət edib, Kommersiya Bankının İdarə Heyəti sədrinin müavini postunda çalışıb.
1993-cü ildən xarici işlər nazirinin müavinidir. Bir müddət Azərbaycanın Böyük Britaniyada, İrlandiya, İsveç, Norveç və Danimarkada səfiri postlarını da tutub.
