İcra başçısı ordenlə təltif olundu
Prezident İlham Əliyev Xocavənd Rayon İcra Hakimiyyətinin başçısı Eyvaz Hüseynovu 2-ci dərəcəli “Vətənə xidmətə görə” ordeni ilə təltif edib. Sərəncamda təltif Eyvaz Hüseynovun Azərbaycan Respublikasının ictimai-siyasi həyatında fəal iştirakı ilə əsaslandırılıb.
Novator.az bildirir ki, Eyvaz Hüseynovun 60 yaşı tamam olur. 1959-cu il fevralın 15-də Xocavənd (keçmiş Martuni) rayonunun Muğanlı kəndində doğulan Eyvaz Hüseynov Azərbaycan Politexnik İnstitutunu və Ali İdarəçilik Akademiyasını bitirib.
Bakı Radio Zavodunda mühəndis, Xocavəndin Muğanlı kəndinin “Səməd Vurğun” adına kolxozunda baş mühasib və Muğanlı Kənd Xalq Deputatları Soveti İcraiyyə Komitəsinin sədri vəzifələrində işləyib. 1992-ci il iyulun 2-dən Xocavənd Rayon İcra Hakimiyyətinin başçısıdır.
Qarabağ müharibəsi veteranı, “Dağlıq Qarabağ bölgəsinin azərbaycanlı icması” İctimai Birliyinin İdarə Heyətinin üzvüdür.
