Bakıda orta maaş 782 manatı ötüb
Bakı Şəhər Statistika İdarəsi 2018-ci ilin sosial-iqtisadi göstəricilərini açıqlayıb. Novator.az bildirir ki, rəsmi hesabata görə, 2018-ci ildə sənayedə istehsal olunmuş malların və göstərilmiş xidmətlərin həcmi əvvəlki illə müqayisədə 0,7 faiz artaraq 41,6 milyard manat təşkil edib. Sənaye məhsulunun 82,5 faizi mədən sektorunda istehsal olunub. Qeyri-dövlət sektorunun payı 84,5 faiz göstərilir.
İnşaat işlərinin 69,8 faizi tikinti, yenidənqurma və genişləndirmə, 7,1 faizi əsaslı təmir, 4,3 faizi cari təmir, 18,8 faizi sair tikinti işlərinin payına düşüb.
Ticarət dövriyyəsinin həcmi 2017-ci illə müqayisədə 3,8 faiz, ictimai iaşə dövriyyəsi real ifadədə 8,9 faiz, əhaliyə göstərilən ödənişli xidmətlərin dəyəri 3,2 faiz artıb.
2018-ci ilin yanvar-noyabr aylarında işçilərin orta aylıq nominal əməkhaqqı 782,6 manata çatıb.
