Sənayedə artım
Dövlət Statistika Komitəsi sənaye istehsalı haqqında hesabat yayıb. Novator.az bildirir ki, rəsmi açıqlamaya görə, sənaye müəssisələri və bu sahədə fəaliyyət göstərən fərdi sahibkarlar 2019-cu ilin yanvarında 3,8 milyard manatlıq və ya 2018-ci ilin ilk ayı ilə müqayisədə 3,4 faiz çox sənaye məhsulu istehsal edib. Qeyri-neft sənayesində məhsul istehsalı 13,8 faiz artıb.
Sənaye məhsulunun 72,5 faizi mədən sektorunda, 22 faizi emal sektorunda, 4,8 faizi elektrik enerjisi, qaz və buxar istehsalı, bölüşdürülməsi və təchizatı sektorunda, 0,7 faizi su təchizatı, tullantıların təmizlənməsi və emalı sektorunda istehsal olunub.
Neft hasilatının 0,8 faiz azaldığı, əmtəəlik qaz hasilatının 26,4 faiz artdığı vurğulanır.
