Minimum pensiya: Azərbaycan və başqaları
2017-ci il iyulun 1-dən Azərbaycanda əmək pensiyasının minimum məbləği 110 manat məbləğində müəyyən olunub. Bu məbləğ hər il indeksləşdirilir. 2018-ci il yanvarın 1-dən pensiyalar 5,7 faiz artıb, minimum pensiyanın məbləği 116 manatı ötüb.
Bu il yanvarın 1-dən pensiyalara 3 faiz artım hesablanır. Beləliklə, minimum pensiyanın məbləği 120 manata yaxınlaşır.
Novator.az bildirir ki, 2019-cu il yanvarın 1-dən Ermənistanda minimum pensiyanın məbləği 25,5 min dram (89 manat), Gürcüstanda 200 laridir (129 manat).
Rusiyada minimum pensiya 8846 rubl (228 manat), Qazaxıstanda 52 min 145 təngə (240 manat) müəyyən olunub.
Ukraynada pensiyanın aşağı həddi 1669 qrivna (105 manat), Belarusda 53 Belarus rubludur (42 manat).
