Paşinyan yenə danışıq formatını təftiş edir
Ermənistanın baş naziri Nikol Paşinyan parlamentin 12 fevral iclasında hökumətin proqramını təqdim edib. Novator.az-ın məlumatına görə, Dağlıq Qarabağ münaqişəsinə toxunan baş nazir yenə danışıqların formatı məsələsini qaldırıb. O deyib ki, Ermənistan Dağlıq Qarabağın sülh danışıqlarında birbaşa iştirakının tərəfdarıdır. Baş nazir danışıqlarda Ermənistanı təmsil etdiyini, Dağlıq Qarabağın öz hakimiyyəti olduğunu vurğulayıb.
Azərbaycanın bu məsələ ilə bağlı mövqeyinə nəzər salan baş nazir deyib: “Azərbaycan hakimiyyəti bildirir ki, Dağlıq Qarabağ təmsilçilərinin danışıqlara cəlb olunması tələbi irəli sürülürsə, onda bölgənin azərbaycanlı icması da danışıqlarda iştirak etməlidir. Bu mövqenin ciddi aydınlaşdırılmasına ehtiyac var. Məsələ bundadır ki, Dağlıq Qarabağın azərbaycanlı icması hər vaxt danışıqlarda iştirakçıdır. Azərbaycanlı icması ölkədə keçirilən parlament və prezident seçkilərində iştirak edir. Azərbaycan prezidentinin və parlamentinin bu adamların adından danışıq aparmaq mandatı var”.
1988-ci ildə Ermənistan Azərbaycanın Dağlıq Qarabağ vilayətini ələ keçirmək üçün təcavüzə başlayıb. 1991-ci ildə ermənilər Dağlıq Qarabağı “müstəqil dövlət” elan edib, işğalçı müharibə alovlanıb. 1994-cü ildə atəşkəslə dayanan müharibədə Ermənistan Dağlıq Qarabağ bölgəsini (Xankəndi şəhəri, Şuşa, Xocalı, Xocavənd, Ağdərə rayonları) və onun ətrafındakı bölgələri (Laçın, Kəlbəcər, Ağdam, Füzuli, Cəbrayıl, Qubadlı, Zəngilan rayonları), eləcə də Qazax rayonunun 7, Naxçıvan Muxtar Respublikasının 1 kəndini işğal edib.
Dağlıq Qarabağ münaqişəsinin dinc yolla tənzimlənməsi ilə 1992-ci ildə yaradılan ATƏT-in Minsk qrupu məşğul olur. Bu quruma ABŞ, Fransa, Rusiya (həmsədrlər), Türkiyə, Belarus, İtaliya, Almaniya, İsveç, Finlandiya, eləcə də Azərbaycanla Ermənistan daxildir.
Ermənistan hökumətinə 2018-ci il mayın 8-dən başçılıq edən Nikol Paşinyan Azərbaycan prezidenti İlham Əliyevlə sentyabrın 28-i Tacikistanın paytaxtı Düşənbədə, dekabrın 6-sı Rusiyanın Sankt-Peterburq şəhərində, bu il yanvarın 22-si İsveçrənin Davos şəhərində danışıqlar aparıb.
Nikol Paşinyan hökumətinin xarici işlər naziri Zöhrab Mnasakanyan azərbaycanlı həmkarı Elmar Məmmədyarovla indiyəcən dörd dəfə görüşüb. Onlar ötən il iyulun 11-i Belçikanın paytaxtı Brüsseldə, sentyabrın 26-sı ABŞ-ın Nyu-York şəhərində, dekabrın 5-i İtaliyanın Milan şəhərində, bu il yanvarın 16-sı Fransanın paytaxtı Parisdə Dağlıq Qarabağ münaqişəsinin həlli üzrə danışıqlar prosesini müzakirə ediblər.
Rəsmi Bakının Paşinyana cavabı
Paşinyan oğlunun işğal bölgəsində xidmətinə sülh rəngi verir
Paşinyan ətraf rayonları da Dağlıq Qarabağ sayır
İlham Əliyev Paşinyanı ittiham etdi
Nikol Paşinyan cəbhə xəttinə baş çəkib
“Ermənistanın baş naziri siyasətçi adına parodiyadır”
Köçəryan: “Hər bir ehtiyatsız ifadə gərginliyi artırır”
BMT-də Paşinyana cavab verilib
Paşinyan Azərbaycan prezidenti ilə söhbətləşdiyini bəyan edib
Ermənistanla razılaşma, nazirdən tapşırıqlar
“Atəşkəs rejiminə ehtiyac da qalmaz”
Ermənistan Dağlıq Qarabağ rejimini atəşkəsə çağırır
“Dağlıq Qarabağ yox desə, məsələ həll olunmayacaq”
Bolton Ermənistana Qarabağ məsləhəti verdi
Vasitəçilər cəbhə xəttini yoxlayacaq
Paşinyan məzuniyyətini Qarabağda keçirib
Prezident: “Ermənistan həyatın girdabındadır”
Paşinyan: “Gizli razılaşmadan söhbət gedə bilməz”
