Ölkələrdə orta maaş
2018-ci ilə aid rəsmi statistikaya görə, 2019-cu il yanvarın 1-nə Azərbaycanda muzdla çalışan işçilərin orta aylıq nominal əməkhaqqı 544,1 manat olub.
Novator.az yaxın ölkələrin orta aylıq maaş göstəricilərinə də nəzər salıb.
Türkiyədə 2018-ci ilin sonuna orta maaş 1200 dollar göstərilib.
Ermənistanda orta aylıq maaşın 178 min dram (618 manat), Gürcüstanda 1150 lari (739 manat), Rusiyada 42 min 550 rubl (1097 manat) olduğu açıqlanıb.
Ötən ilin yekununda Qazaxıstanda orta maaş 166 min 50 təngə (747 manat) həddində rəsmiləşib.
Belarusda orta maaşın 732 Belarus rublu (576 manat), Ukraynada 8 min 666 qrivna (544 manat) olduğu bəyan edilib.
