Vergi məmurları təltif olunub
Prezident İlham Əliyev sərəncam imzalayaraq vergilər naziri Mikayıl Cabbarova 2-ci dərəcəli dövlət vergi xidməti müşaviri (general-leytenant) xüsusi rütbəsi verib.
1976-cı il təvəllüdlü Mikayıl Cabbarov 2017-ci il dekabrın 5-dən vergilər naziridir. O, 2003-cü ildən Azərbaycanda İxracın və İnvestisiyaların Təşviqi Fondunun prezidenti, 2004-cü ildən iqtisadi inkişaf nazirinin müavini, 2009-cu ildən “İçərişəhər” Dövlət Tarix-Memarlıq Qoruğu İdarəsinin rəisi, 2013-cü ildən təhsil naziri postlarını tutub.
Dövlət başçısının digər sərəncamları ilə Naxçıvan Muxtar Respublikasının vergilər naziri Azər Nağıyev və Vergilər Nazirliyi yanında Vergi Cinayətlərinin İbtidai Araşdırılması Departamentinin baş direktoru Xəqani İsgəndərov 3-cü dərəcəli dövlət ədliyyə müşaviri (general-mayor) xüsusi rütbəsi alıblar.
Vergilər Nazirliyinin əməkdaşları Məmmədov Azər Oqtay oğlu 2-ci dərəcəli “Vətənə xidmətə görə” ordeni, Cəfərov Azər Sihət oğlu, Əliyev Rəşad Qəhrəman oğlu, İmanov Asəf Polad oğlu, İskəndərov Kamal Bahadır oğlu, Məmmədov Şöyüb Kamil oğlu, Sultanova Sədaqət Ramiz qızı 1-ci dərəcəli “Vergi orqanlarında xidmətdə fərqlənməyə görə” medalı, Məmmədov Rövşən Rəhim oğlu, Osmanov Akif Osman oğlu 2-ci dərəcəli “Vergi orqanlarında xidmətdə fərqlənməyə görə” medalı, Əliyarzadə Maya Vaqif qızı, Xəlilova Arzu Sərhəddin qızı, Musayeva Samirə Fəxrəddin qızı, Rəhimli Elşən Moqif oğlu, Yadigarov Fariz Məhəmməd oğlu, Yunusov Məhəmməd İlham oğlu 3-cü dərəcəli “Vergi orqanlarında xidmətdə fərqlənməyə görə” medalı, Hacıyev Fərid Məzahir oğlu, Həsənov Nicat Nizami oğlu, Namazlı Elçin Alim oğlu, Yusifov Elnur Əli oğlu “Dövlət qulluğunda fərqlənməyə görə” medalı ilə təltif olunublar.
Fevralın 11-i Vergilər Nazirliyinin yaradıldığı gündür. Nazirlik Azərbaycan prezidentinin 11 fevral 2000-ci il fərmanı ilə Baş Dövlət Vergi Müfəttişliyinin bazasında yaradılıb.
