Avropa meydanlarında
Novator.az yenidən Avropanın aparıcı milli futbol çempionatlarının gedişinə nəzər salıb.
İngiltərə çempionatında “Mançester Siti” 27 oyuna, “Liverpul” isə 26 oyuna 65 xalla liderliyi bölüşürlər. 26 oyundan sonra “Tottenhem” 60, “Mançester Yunayted” 51, “Arsenal” və “Çelsi” 50 xal yığıb.
İspaniya çempionatında 23 turun ardından “Barselona” 51 xalla liderdir. “Real”ın 45, “Atletiko”nun 44, “Sevilya”nın 37, “Xetafe”nin 35, “Betis” və “Alaves”in 32 xalı var.
23 oyundan sonra İtaliya çempionatında turnir cədvəlinə 63 xal yığan “Yuventus” başçılıq edir. “Napoli” 52, “İnter” 43, “Milan” 39, “Atalanta”, “Roma” və “Latsio” 38 xal toplayıb.
Almaniya çempionatında 21 turun ardından Dortmund “Borussiya”sı 50 xalla öndədir. “Bavariya” 45, “Borussiya” (Mönhenqladbah) 42, “Leypsiq” 38 xal götürüb.
Fransa çempionatında 22 oyuna 59 xal yığan PSJ birincidir. “Lill” 24 oyuna 49, “Lion” 43 xal toplayıb.
