Ukrayna: prezidentliyə 42 iddiaçı var
Fevralın 8-də Ukraynanın Mərkəzi Seçki Komissiyası prezidentliyə namizədlərin qeydiyyatını başa çatdırır. Prezident seçkisi martın 31-də keçiriləcək. Əsas namizədlərdən biri dövlət başçısı Pyotr Poroşenkodur.
1965-ci il təvəllüdlü Pyotr Poroşenko 2014-cü il mayın 25-də Ukrayna prezidenti seçilib, iyunun 7-də səlahiyyətlərinin icrasına başlayıb.
35 yaşa çatan, son 10 ildə Ukraynada daimi yaşayan, dövlət dilini bilən ölkə vətəndaşları prezidentliyə namizəd ola bilər. İddiaçılar 2,5 milyon qrivna girov qoymalıdır. Prezident seçilə və ya ikinci tura çıxa bilməyən şəxsin seçki girovu dövlət büdcəsinə köçürülür.
Novator.az bildirir ki, fevralın 8-dək prezident postuna Pyotr Poroşenkodan əlavə 41 nəfər rəsmi iddiaçı var: İqor Şevçenko, Andrey Sadovıy, Valentin Nalivayçenko, Sergey Kaplin, Vitali Skotsik, Anatoli Qritsenko, Yevgeni Murayev, Vitali Kupriy, Olqa Boqomolets, Aleksandr Şevçenko, Gennadi Balaşov, Roman Nəsirov, Yuri Boyko, Yuliya Timoşenko, Oleq Lyaşko, Aleksandr Moroz, Aleksandr Vilkul, Dmitri Dobrodomov, Arkadi Kornatski, Ruslan Koşulinski, Aleksandr Danilyuk, İlya Kiva, Sergey Taruta, İqor Smeşko, İnna Boqoslovskaya, Vladimir Zelenski, Yuri Derevyanko, Nikolay Qaber, Roman Bessmertni, Viktor Bondar, Viktor Krivenko, Sergey Nosenko, Sergey Krivonos, Ruslan Riqovanov, Yuri Timoşenko, Andrey Novak, Vasili Juravlyov, Yuri Karmazin, Yuliya Litvinenko, Aleksandr Vaşşenko, Vladimir Petrov.
