Neftsiz ixrac nə qədər artıb?
2018-ci ildə Azərbaycanın hüquqi və fiziki şəxsləri dünyanın 185 ölkəsindəki tərəfdaşları ilə ticarət əməliyyatları həyata keçirib, 113 ölkəyə məhsul ixrac olunub, 178 ölkədən məhsul alınıb. Novator.az bildirir ki, Dövlət Statistika Komitəsinin hesabatına görə, 2018-ci ildə ölkənin xarici ticarət dövriyyəsi 31,7 milyard ABŞ dolları, o cümlədən ixracın dəyəri 20,3 milyard dollar, idxalın dəyəri 11,4 milyard dollar təşkil edib.
Hesabata əsasən, 2017-ci illə müqayisədə xarici ticarət dövriyyəsi faktiki qiymətlərlə 30,9 faiz, o cümlədən ixrac 31,1 faiz, idxal 30,5 faiz, real ifadədə isə dövriyyə 0,5 faiz, o cümlədən ixrac 0,6 faiz, idxal 0,2 faiz artıb.
2018-ci ildə ölkədən 1 milyard 689,2 milyon dollar dəyərində qeyri-neft məhsulları ixrac edilib, bu da 2017-ci ilə nisbətən faktiki qiymətlərlə 9,8 faiz, real ifadədə isə 1 faiz çoxdur.
