14 təmsilçi bəllidir
Mayın 14-dən 18-dək İsrailin Tel-Əviv şəhərində keçiriləcək “Avroviziya 2019” mahnı müsabiqəsinə qatılan ölkələrin 14-ü təmsilçisini müəyyənləşdirib. Novator.az fevralın 8-nə olan siyahını diqqətə çatdırır:
Albaniya – Yonida Maliçi
Avstriya – Qabriela Horn
Belçika – Eliot Vassamillet
Çexiya – “Lake Malavi” qrupu
Ermənistan – Srbui Sərkisyan
Finlandiya – Ville Virtanen
Fransa – Bilal Həsəni
Kipr – Tamta Qoduadze
İspaniya – Migel Nunyes Poso
Malta – Mikela Paçe
Niderland – Dunkan Laurens
Rusiya – Sergey Lazarev
San Marino – Sərhad Hacıpaşalıoğlu
Şimali Makedoniya – Tamara Todevska.
Mahnı müsabiqəsində ev sahibi və təmsilçiləri bəlli ölkələrlə yanaşı Almaniya, Avstraliya, Azərbaycan, Belarus, Böyük Britaniya, Danimarka, Estoniya, Gürcüstan, Xorvatiya, İrlandiya, İslandiya, İsveç, İsveçrə, İtaliya, Latviya, Litva, Macarıstan, Moldova, Monteneqro, Norveç, Polşa, Portuqaliya, Rumıniya, Serbiya, Sloveniya, Ukrayna və Yunanıstan iştirak edəcək.
1956-cı ildən keçirilən “Avroviziya” yarışı ictimai teleradioları cəmləşdirən Avropa Yayım Birliyinin layihəsidir. Azərbaycan “Avroviziya”ya 2008-ci ildən qatılır.
63 dəfə keçirilmiş yarışda hamıdan çox İrlandiya uğur qazanıb. Bu ölkə 7 “Avroviziya”da birinci olub.
İsveç 6 müsabiqədən qalib çıxıb.
Fransa, Lüksemburq, Böyük Britaniya 5 dəfə “Avroviziya” zəfəri yaşayıblar.
Niderland və İsrail 4 yarışmada qalib gəlib.
Danimarka və Norveçin 3 qələbəsi var.
Avstriya, Almaniya, İtaliya, İspaniya, İsveçrə, Ukrayna “Avroviziya”nın ilk pilləsində 2 dəfə yer alıblar.
Azərbaycanın 1 qələbəsi var. Belçika, Estoniya, Finlandiya, Yunanıstan, Latviya, Monako, Rusiya, Serbiya, Türkiyə, Portuqaliya da 1 dəfə “Avroviziya” qalibi olublar.
Tarixə qovuşmuş Yuqoslaviya da 1 uğur əldə edib.
