Sosial ödənişlərin yeni qaydaları
Vergilər Nazirliyinin Dövlət Qeydiyyatı və Uçota Nəzarət Departamentinin baş direktoru Ələkbər Məmmədov Vergiler.az saytına müsahibəsində deyib ki, 2019-cu ildən məcburi dövlət sosial sığorta münasibətlərinin iştirakçısı olan şəxslərin uçota alınmasını və onların məcburi dövlət sosial sığorta haqqı və işsizlikdən sığorta haqqı ödəməsinə nəzarəti Vergilər Nazirliyi həyata keçirir.
Baş direktorun sözlərinə görə, 1 yanvar 2019-cu ildən sığorta haqqına cəlb edilən aylıq gəliri 200 manatadək olan işçidən 3 faiz (6 manat) sosial sığorta haqqı tutulur. Sığorta edənin vəsaiti hesabına isə ödəniş 22 faizdir (44 manat)
Aylıq gəlir 200 manatdan çox olduqda sığorta olunan 6 manat + 200 manatdan çox olan hissənin 10 faizi, sığorta edən 44 manat + 200 manatdan çox olan hissənin 15 faizi qədər ödəniş edir.
İşsizlikdən sığorta tarifləri isə sığorta edən üçün hesablanmış əməyin ödənişi fondunun 0,5 faizi, sığorta olunan üçün əməkhaqqının 0,5 faizi məbləğində müəyyən edilib.
