Göytəpədə “Kütləvi çıxarış”
Əmlak Məsələləri Dövlət Komitəsi fevralın 7-si Cəlilabad rayonunun Göytəpə şəhərində “Kütləvi çıxarış” kampaniyası keçirib. Rəsmi məlumata görə, sosial kampaniya Göytəpə şəhəri ilə yanaşı Maşlıq, Kazımabad, Komanlı və Bəcirəvan kəndlərini əhatə edib. Səyyar aksiya ilə 80-ə yaxın vətəndaşa dövlət reyestrindən hazır çıxarışlar təqdim olunub. Dövlət qeydiyyatına alınmış və çıxarışla təmin olunmuş daşınmaz əmlaklar əsasən fərdi yaşayış evləri, pay torpaqları və həyətyanı torpaq sahələrinə aiddir.
Kampaniya çərçivəsində 50-yə yaxın sakin daşınmaz əmlakını qeydiyyata almaq üçün ilkin sənədlərini səyyar ofislərə təqdim edib. İlkin qeydiyyat üçün müraciət edən bəzi sakinlərin daşınmaz əmlakları üzrə çöl-ölçmə işləri də aparılıb.
