Dolların sükutu 11 aya çatdı
Fevralın 7-də Mərkəzi Bank ABŞ dollarının kursunu 1,7 manat səviyyəsində saxlayıb. Novator.az-ın məlumatına görə, bununla dolların məzənnəsində sabitlik 11 aya çatıb. 2015-ci ildə dolların rəsmi qiyməti 0,7844 manatdan 1,5594 manata qalxıb. 2016-cı il 1,7707 manatla, 2017-ci il 1,7001 manatla başa çatıb. 2018-ci il martın 7-dən dollar 1,7 manata təklif olunur.
Dəyər itirən avro banklara 1,9316, Rusiya rublu 0,0258, Türkiyə lirəsi 0,3254 manata satılır.
Gürcüstan larisinin kursu isə 0,6425 manata yüksəlib (Məzənnələr).
Avro 2019-cu ilə 1,9323, lari 0,6346, rubl 0,0245, lirə 0,3141 manatla girib.
Dövlət Neft Fondu Mərkəzi Bankın 2018-ci ildə keçirdiyi valyuta hərraclarında 6 milyard 460,4 milyon dollar məbləğində valyuta satıb. Manatın kursunu qorumaq üçün bu ilin yanvar ayında keçirilən hərraclarda fond 634,9 milyon dollar məbləğində vəsait sərf edib.
