Manat dollar aparır
Dövlət Neft Fondu Mərkəzi Bankın yanvar ayında keçirdiyi valyuta hərraclarında 634,9 milyon ABŞ dolları məbləğində vəsait satıb. Açıqlama fevralın 6-da yayılıb.
Novator.az bildirir ki, rəsmi hesabatlara görə, manatın kursunu qorumaq üçün 2018-ci ildə keçirilən hərraclarda fonddan 6 milyard 460,4 milyon dollar məbləğində valyuta alınıb. Yanvarın hərracları fonda 299,1 milyon dollara, fevralın hərracları 364,1 milyon dollara, martın hərracları 647 milyon dollara, aprelin hərracları 802,6 milyon dollara, mayın hərracları 422,7 milyon dollara, iyunun hərracları 439 milyon dollara, iyulun hərracları 536,6 milyon dollara, avqustun hərracları 733,7 milyon dollara, sentyabrın hərracları 394,8 milyon dollara, oktyabrın hərracları 489,6 milyon dollara, noyabrın hərracları 654,1 milyon dollara, dekabrın hərracları 677,1 milyon dollara başa gəlib.
2015-ci ildə dolların rəsmi kursu 0,7844 manatdan 1,5594 manata qalxıb. 2016-cı il 1,7707 manatla, 2017-ci il 1,7001 manatla başa çatıb. 2018-ci il martın 7-dən dollar 1,7 manata təklif olunur.
Fevralın 6-da Mərkəzi Bank avronu 1,9383, Gürcüstan larisini 0,6413, Rusiya rublunu 0,0259, Türkiyə lirəsini 0,3267 manata satır (Məzənnələr).
Avro 2019-cu ilə 1,9323, lari 0,6346, rubl 0,0245, lirə 0,3141 manatla girib.
