Makedoniya NATO yolunda: ilk addım atıldı
Fevralın 6-da NATO-ya üzv ölkələrin və Şimali Makedoniyanın hərbi alyansdakı səfirləri Brüsseldə protokol imzalayıblar. Sənəd Şimali Makedoniyanın NATO-ya üzv olmasını nəzərdə tutur.
Novator.az xəbər verir ki, protokol hərbi alyansa üzv dövlətlərin, o cümlədən Şimali Makedoniyanın parlamentində ratifikasiya edilməlidir. Yalnız bundan sonra Şimali Makedoniyanın alyansa üzvlüyü rəsmiləşəcək.
1949-cu ildə yaradılmış NATO-ya 29 ölkə daxildir: ABŞ, Albaniya, Almaniya, Belçika, Bolqarıstan, Böyük Britaniya, Çexiya, Danimarka, Estoniya, Fransa, Xorvatiya, İslandiya, İspaniya, İtaliya, Kanada, Latviya, Litva, Lüksemburq, Macarıstan, Monteneqro, Niderland, Norveç, Polşa, Portuqaliya, Rumıniya, Slovakiya, Sloveniya, Türkiyə, Yunanıstan.
Makedoniya 1991-ci ildə Yuqoslaviya Sosialist Federativ Respublikasından ayrılaraq müstəqil dövlət olub. Yunanıstan Makedoniyanın adının öz vilayətinin adı ilə üst-üstə düşməsini əsas gətirərək bu ölkənin müxtəlif beynəlxalq qurumlara, o cümlədən NATO-ya qəbul olunmasına əngəl törədib. Bu ilin yanvarında ölkə adını rəsmən dəyişərək Şimali Makedoniya Respublikası olub və problem həllini tapıb.
Səidə Hüseynova
