Büdcədən ayırmalar
Prezident İlham Əliyev 12 şəhər və rayonda 237 çoxmənzilli binanın lift təsərrüfatının maddi-texniki bazasını möhkəmləndirməyə sərəncam verib. Fevralın 5-də imzalanan sərəncamla həmin bölgələrin icra hakimiyyətlərinə 2019-cu ilin dövlət büdcəsindən ümumilikdə 40 milyon manat ayrılır. Sənəd Bakı, Gəncə, Lənkəran, Mingəçevir, Naftalan, Sumqayıt şəhərlərini və Abşeron, Bərdə, Goranboy, Salyan, Şəmkir, Tərtər rayonlarını əhatə edir.
Başqa bir sərəncam əsasında “Azərkosmos” Açıq Səhmdar Cəmiyyəti ölkənin mərkəzi teleradio yayımçılarının peyk vasitəsilə xaricdə yayımını təşkil etmək üçün 2019-cu ilin dövlət büdcəsindən, prezidentin ehtiyat fondundan 2 milyon manat alacaq.
