Ermənistanın turizm statistikası
Ermənistanın Statistika Komitəsi 2018-ci ilin turizm hesabatını yayıb. Novator.az xəbər verir ki, hesabata görə, ötən il Ermənistana gələn turistlərin sayı 2017-ci illə müqayisədə 10,5% artaraq 1 milyon 651 min nəfər olub.
Statistika qurumu ötən il Ermənistandan turizm üçün gedənlərin sayında 9,5% artım qeydə alındığını bildirir. İl ərzində 1 milyon 622 min nəfər Ermənistan vətəndaşının xaricə turist kimi yollandığı vurğulanır.
2018-ci ildə Azərbaycana 2 milyon 849,6 min (əvvəlki illə müqayisədə 5,7 faiz çox) əcnəbi və vətəndaşlığı olmayan şəxs gəlib. Xarici ölkələrə gedən Azərbaycan vətəndaşlarının sayı əvvəlki illə müqayisədə 19,5 faiz artaraq 4 milyon 908,1 min nəfər olub.
Səidə Hüseynova
