“Qızıl Ulduz” əsas medal olur
Parlamentin 1 fevral iclasında “Azərbaycan Respublikasının orden və medallarının təsis edilməsi haqqında” qanuna əlavə edilib. Yeniliyə görə, Azərbaycanın əsas medalı “Qızıl Ulduz” medalı olur.
Novator.az bildirir ki, “Qızıl Ulduz” medalı Azərbaycanın Milli Qəhrəmanına verilir. 1992-ci il martın 25-də təsis edilən Milli Qəhrəman adı ölkənin ən yüksək fərqlənmə dərəcəsidir.
Azərbaycanın digər medalları “Vətən uğrunda” medalı; “İgidliyə görə” medalı; “Tərəqqi” medalı; “Hərbi xidmətlərə görə” medalı; “Hərbi xidmətdə fərqlənməyə görə” medalı; “Şücaətə görə” medalı; “Sərhəddə fərqlənməyə görə” medalı; “Hərbi əməkdaşlıq sahəsində xidmətlərə görə” medalı; “Azərbaycan Respublikası Silahlı Qüvvələri Veteranı” medalı; “Qüsursuz xidmətə görə” medalı; “Dövlət qulluğunda fərqlənməyə görə” medalı; “Daxili işlər orqanlarında qüsursuz xidmətə görə” medalı; “Polis veteranı” medalı; “Diplomatik xidmətə verilən töhfəyə görə” medalı; “Vergi orqanlarında xidmətdə fərqlənməyə görə” medalı; “Vergi orqanları ilə səmərəli əməkdaşlığa görə” medalı; “Fövqəladə hallar orqanlarında xidmətdə fərqlənməyə görə” medalı; “Fövqəladə hallar orqanları ilə səmərəli əməkdaşlığa görə” medalı; “Fövqəladə hallar orqanlarında qüsursuz xidmətə görə” medalı; “Ədliyyə sahəsində fərqlənməyə görə” medalı; “Miqrasiya orqanlarında qulluqda fərqlənməyə görə” medalı; “Miqrasiya orqanları ilə səmərəli əməkdaşlığa görə” medalı; “Miqrasiya orqanlarında qüsursuz qulluğa görə” medalı; “Mülki aviasiya sahəsində xidmətlərə görə” medalı; Azərbaycan Respublikasının Nizami Gəncəvi adına Qızıl medalı; “Hərbi vətənpərvərlik tərbiyəsində xidmətlərə görə” medalı; “Gəmiçilik sahəsində xidmətlərə görə” medalı və yubiley medallarıdır.
Azərbaycanın ordenləri bunlardır: “Heydər Əliyev” ordeni; “İstiqlal” ordeni; “Şah İsmayıl” ordeni; “Azərbaycan bayrağı” ordeni; “Rəşadət” ordeni; “Şərəf” ordeni; “Şöhrət” ordeni; “Dostluq” ordeni; “Vətənə xidmətə görə” ordeni; “Əmək” ordeni.
