Gənclərin sahibkarlığı ilə bağlı yeni layihəyə start verilib
“Dan” Beynəlmiləlçi Gənclər İctimai Birliyi “Gənclərin sahibkarlığı – iqtisadi inkişafın əsas mühərriki kimi” layihəsinə start verib.
Layihə Azərbaycan Respublikası Gənclər Fondunun maliyyə dəstəyi ilə həyata keçirilir.
Layihənin məqsədləri gənclərin məşğulluğunun, biznes haqda məlumatının artırılmasına, gənclər arasında sahibkarlığın, gənclərin özünüidarə və iqtisadi baxımdan təminetmə bacarıqlarının inkişaf etdirilməsinə nail olmaq, gənclərə öz bizneslərini yaratmaqda dəstək verməkdir.
Layihə çərçivəsində 3 video-çarxın çəkilməsi, internet səhifəsinin yaradılması, Naxçıvan şəhərində və Zərdab rayonunda təlimlərin keçirilməsi nəzərdə tutulur.
Sonda Bakıda təqdimat mərasiminin keçirilməsi planlaşdırılır.
