Bakı-Gəncə qatarında gediş ucuzlaşır
“Azərbaycan Dəmir Yolları” QSC ötən il dekabrın 30-da işə düşən Bakı-Gəncə-Bakı sürətli sərnişin qatarı ilə bağlı yeniliklər tətbiq edir. Rəsmi məlumata görə, fevralın 4-dən qatarın hərəkət qrafiki və gediş haqqı tarifləri dəyişir. Qatar hər gün reysə çıxacaq, saat 8:45-də Bakıdan Gəncəyə, saat 17-də isə Gəncədən Bakıya yola düşəcək. Qatarın yolda olma vaxtı 4 saat 15 dəqiqəyə düşəcək.
Standart vaqonlarda qiymət 15 manatdan 10 manata endiriləcək.
Biletin qiyməti birinci kateqoriya üzrə 100 manat, biznes kateqoriyası üzrə 50 manat qalacaq.
