11 min manat ödənişi: yeni statistika
Əmək və Əhalinin Sosial Müdafiəsi Nazirliyində fəaliyyət göstərən komissiya daha 661 nəfər şəhid hərbi qulluqçunun 954 vərəsəsinə birdəfəlik ödəmə verilməsi barədə qərar qəbul edib. Rəsmi məlumat yanvarın 31-də yayılıb.
Prezident İlham Əliyevin 2018-ci il aprelin 19-da və 2019-cu il yanvarın 28-də imzaladığı fərmanlarla 1997-ci ilin avqust ayının 2-dək şəhid olmuş 12268 nəfərin vərəsələrinə 11 min manat birdəfəlik ödəmə verilir.
Son rəsmi bilgiyə görə, indiyədək 3758 şəhidin 5144 vərəsəsinə birdəfəlik ödəmənin verilməsi qərarı qəbul olunub, 3100 şəhid üzrə 4200 vərəsəyə ödəniş edilib.
1997-ci il avqustun 2-də “Hərbi qulluqçuların dövlət icbari şəxsi sığortası haqqında” qanun qüvvəyə minib və həmin dövrdən sonra hərbi qulluqçuların həlak olması, itkin düşməsi və ya xəsarət alması zamanı sığorta ödənişlərinin verilməsi həyata keçirilib.
