Yenilik 2725 şəhidin vərəsələrini əhatə edəcək
Yanvarın 28-də Əmək və Əhalinin Sosial Müdafiəsi Nazirliyi açıqlama yayıb. Açıqlamada prezident İlham Əliyevin 2018-ci il aprelin 19-da imzaladığı fərmanla şəhid ailələrinə birdəfəlik ödəmənin (11 min manat) verildiyi xatırladılır: “Ötən dövrdə 3100 şəhid hərbi qulluqçunun 4200-ə qədər vərəsəsinə birdəfəlik ödəmə həyata keçirilib, 34 milyon manat vəsait ödənib. Hazırda 6444 şəhidin vərəsələrinə ödənişlər davam etməkdədir.
Prezidentin 28 yanvar 2019-cu ildə imzaladığı fərmanla birdəfəlik ödəmənin əhatə dairəsi daha da genişlənib, Azərbaycanın ərazi bütövlüyü uğrunda 1997-ci ilin avqust ayının 2-dək şəhid olmuş əlavə 2725 şəhidin (o cümlədən 11000 manatdan az sığorta ödənişi almış 2264 şəhid hərbi qulluqçunun və 461 şəhid polisin) vərəsələrinə də birdəfəlik ödəmənin verilməsi tapşırılıb.
Yeni fərmanla birdəfəlik ödəmənin verilməsi prosesi 12268 şəhidin vərəsələrini əhatə edir və bu məqsədlər üçün ümumilikdə 135 milyon manat vəsait nəzərdə tutulur”.
