Moldovada seçki kampaniyası başladı
Yanvarın 25-i Moldovada parlament seçkisi kampaniyasına start verilib. Novator.az-ın məlumatına görə, fevralın 24-nə təyin olunmuş seçkidə parlament yeni qaydada formalaşacaq. 101 deputatdan 51-i majoritar, 50-si proporsional sistemlə seçiləcək. İndiyədək tam proporsional sistem – partiya siyahıları üzrə səsvermə tətbiq olunurdu.
Proporsional sistem üzrə 8 partiya və 1 blok, majoritar sistem (təkmandatlı dairələr) üzrə 212 namizəd qeydə alınıb.
Seçki günü parlament üzvlərinin sayının 61-ə endirilməsinə dair məşvərətçi referendum da keçiriləcək. Təklif səs çoxluğu toplasa və Konstitusiya Məhkəməsi referendumun nəticələrini təsdiqləsə, 4 ildən sonra baş tutacaq növbəti seçkidə parlamentə 61 deputat seçiləcək.
Səidə Hüseynova
