Yaşayış evləri tikintisində 3,3 faiz artım var
Dövlət Statistika Komitəsi yaşayış evlərinin tikintisi haqqında hesabat yayıb. Novator.az bildirir ki, hesabata görə, 2018-ci ildə ümumi sahəsi 2 milyon 84,7 min kvadratmetr (ötən illə müqayisədə 3,3 faiz çox) yeni yaşayış evləri tikilib istifadəyə verilib.
İl ərzində mənzil tikintisində istifadə edilmiş vəsaitin həcmi 1 milyard 313,8 milyon manat olub, onun 252,3 milyon manatı dövlət, 1 milyon 61,5 milyon manatı qeyri-dövlət mülkiyyətindəki müəssisə və təşkilatların, habelə əhalinin payına düşüb.
Ölkə vətəndaşları şəxsi vəsaitləri hesabına 13,7 min fərdi yaşayış evi tikiblər. Onların 23,3 faizi Bakı şəhərində, 19,5 faizi Naxçıvan Muxtar Respublikasında, 4 faizi Masallı, 3,9 faizi Sabirabad rayonlarında, 49,3 faizi digər şəhər və rayonlarda inşa edilib.
