“Avroviziya 2019”: 7 təmsilçi bəllidir
May ayında İsrailin Tel-Əviv şəhərində, Yarmarkalar və Sərgilər Mərkəzində keçiriləcək “Avroviziya 2019” beynəlxalq mahnı müsabiqəsinə qatılan ölkələrin 7-si öz təmsilçisini müəyyən edib. Novator.az onların siyahısını təqdim edir:
Albaniya – Yonida Maliçi
Belçika – Eliot Vassamillet
Ermənistan – Srbui Sərkisyan
Kipr – Tamta Qoduadze
İspaniya – Migel Nunyes Poso
Niderland – Dunkan Laurens
San Marino – Sərhad Hacıpaşalıoğlu.
Mahnı müsabiqəsində ev sahibi və təmsilçiləri bəlli ölkələrlə yanaşı Almaniya, Avstraliya, Avstriya, Azərbaycan, Belarus, Böyük Britaniya, Çexiya, Danimarka, Estoniya, Finlandiya, Fransa, Gürcüstan, Xorvatiya, İrlandiya, İslandiya, İsveç, İsveçrə, İtaliya, Latviya, Litva, Macarıstan, Makedoniya, Malta, Moldova, Monteneqro, Norveç, Polşa, Portuqaliya, Rumıniya, Rusiya, Serbiya, Sloveniya, Ukrayna və Yunanıstan iştirak edəcək.
1956-cı ildən keçirilən “Avroviziya” yarışı ictimai teleradioları cəmləşdirən Avropa Yayım Birliyinin layihəsidir. Azərbaycan “Avroviziya”ya 2008-ci ildən qatılır.
