Qanunsuz ov edən ərəblər cərimələnib
İmişli rayonunun Xəlfəli kəndi yaxınlığında icazəsiz ov edən iki əcnəbi yaxalanıb.
Ekologiya və Təbii Sərvətlər Nazirliyinin mətbuat xidmətindən Novator.az-a bildiriblər ki, brakonyerlərin Birləşmiş Ərəb Əmirliyinin vətəndaşları olduğu müəyyən edilib.
Faktla bağlı akt, protokol tərtib olunub və əcnəbilərə ümumilikdə 4330 manat məbləğində cərimə tətbiq edilib.
Onlardan adı “Qırmızı kitab”a düşən bəzgək quşları götürülərək təbiətə buraxılıb.
