Naxçıvan 2018-ci ildə
Naxçıvan Muxtar Respublikasının Dövlət Statistika Komitəsi 2018-ci ilin sosial-iqtisadi göstəricilərini açıqlayıb. Novator.az bildirir ki, hesabata görə, bir ildə 2 milyard 773 milyon manatdan artıq ümumi daxili məhsul istehsal olunub, bu da bir il öncəki göstəricidən 1,3 faiz çoxdur. Hər bir nəfərə düşən ümumi daxili məhsul bir il öncəyə nisbətən 1,9 faiz artaraq 6101,3 manata çatıb.
2017-ci illə müqayisədə 2018-ci ildə sənaye məhsulu 1,3 faiz, əsas kapitala yönəldilən vəsaitlər 1,1 faiz, kənd təsərrüfatı məhsulu 4,4 faiz, nəqliyyat sektorunda yük daşınması 1,9 faiz, informasiya və rabitə xidmətləri 3,3 faiz, o cümlədən mobil rabitə xidməti 2 faiz artıb.
Xarici ticarət dövriyyəsinin 5,1 faiz, ixracın 0,2 faiz artdığı vurğulanır.
