Erməni general yenə həbsə gedir
Ermənistanın Apellyasiya Məhkəməsi yanvarın 22-də general-leytenant Manvel Qriqoryanın yenidən həbs olunmasına qərar verib. Novator.az-ın məlumatına görə, qərar Baş Prokurorluğun aşağı məhkəmənin qərarından şikayəti əsasında çıxarılıb.
1956-cı il təvəllüdlü Manvel Qriqoryan Azərbaycan torpaqlarının qanlı işğalının fəal iştirakçısıdır. Dağlıq Qarabağda müxtəlif hərbi hissələrə komandirlik edib, Ermənistan Ordusunda korpus komandiri olub. 2000-2008-ci illərdə müdafiə nazirinin müavini postunu tutub.
2012 və 2017-ci illərdə parlamentin deputatı seçilib, uzun illər “Yerkrapa” könüllülər birliyinin sədri olub.
2018-ci il iyunun 16-da Milli Təhlükəsizlik Xidmətinin tutduğu Manvel Qriqoryan qanunsuz silah-sursat saxlamaqda, özgə əmlakını talamaqda təqsirli bilinir. Ona məxsus ev və ərazilərdən külli miqdarda silah-sursat, hərbi və xüsusi texnika, cəbhə bölgəsi üçün yığılmış tibbi ləvazimat, ərzaq aşkarlanıb.
2018-ci il dekabrın 21-də paytaxt Yerevanda ümumi məhkəmə səhhətini nəzərə alaraq Manvel Qriqoryanı pul girovu müqabilində azad edib. Bu, ictimaiyyətin narazılığına səbəb olub, Baş Prokurorluq isə məsələni apellyasiya instansiyasına daşıyıb.
Cəlladın oğru çıxması: Manvel Qriqoryan kimdir?
Generalın oğlu da məsuliyyətə cəlb olundu
Qriqoryanın işi həyat yoldaşının da başını yeyir
