Azərbaycan nefti 65 dollara yaxınlaşdı
Yanvarın 22-də Azərbaycan nefti “AzəriLayt”ın bir barrelinin qiyməti 64,54 dollara yüksəlib.
AZƏRTAC-ın məlumatına görə, London birjasında brent markalı neftin bir barreli 62,08 dollara, Nyu-York birjasında layt markalı neftin bir barreli 53,22 dollara satılır.
Azərbaycanın 2019-cu il büdcəsində neftin qiyməti 60 dollardan götürülüb. “AzəriLayt” 2019-cu ilə 57,19 dollarla start verib.
Novator.az bildirir ki, Energetika Nazirliyinin hesabatına görə, 2018-ci ildə Azərbaycanda 38,8 milyon ton neft hasil edilib, orta gündəlik hasilat təxminən 792,5 min barrel olub.
Beynəlxalq öhdəliyə görə, 2019-cu ildə Azərbaycanın gündəlik hasilatı 763 min barreli ötə bilməz.
