Həbsdə olan jurnalistin aclığa başladığı xəbəri yayılıb
Realliq.info saytının həbsdə olan baş redaktoru İkram Rəhimovun yanvarın 21-dən aclıq aksiyasına başladığı haqda xəbər yayılıb. Xəbəri Meydan TV-yə jurnalistin yaxınları çatdırıb.
Onların bildirdiyinə görə, İkram Rəhimov bu aksiya ilə ona qarşı sürülən ittihamlara etiraz edir və o, ittihamı irəli sürmüş Dövlət Təhlükəsizlik Xidmətini də aksiya barədə məlumatlandırıb.
İkram Rəhimovu oktyabrın 26-da Dövlət Təhlükəsizliyi Xidməti həbs edib. O, Cinayət Məcəlləsinin 182.2.1 və 182.2.2-ci (qabaqcadan əlbir olan bir qrup şəxs tərəfindən təkrarən hədə-qorxu ilə tələb etmə) maddələri ilə ittiham olunur. Baş redaktor ittihamları rədd edir.
