İtaliyada pensiya yaşı azaldılır
İtaliya hökuməti pensiya yaşını azaltmaq və işsizlərə, eləcə də aztəminatlı şəxslərə minimum ödəniş vermək qərarı çıxarıb.
Novator.az-ın məlumatına görə, pensiya yaşını azı 3 il azaltmaq nəzərdə tutulur. Hazırda pensiya yaşı 67-dir.
İşsiz və aztəminatlı şəxslər isə dövlətdən 780-1032 avro ödəniş alacaqlar.
Proqramın icrası özəl qurumlarda bu ilin aprelindən, dövlət təşkilatlarında iyun ayından tətbiq olunacaq.
Hökumətin bu proqramın tətbiqinə il ərzində 7 milyard avro ayırması planlaşdırılır.
Ötən il iyunun 1-dən İtaliyada baş nazir postunu Şimal Liqası və “5 ulduz” hərəkatının ortaq namizədi Cüzeppe Konte tutur. Bu qurumlar 2018-ci il martın 4-də parlamentin aşağı və yuxarı palatalarına keçirilmiş seçkidə qalib gəliblər.
