Ötən ilin hasilatı
Energetika Nazirliyi 2018-ci ilin dekabr ayı üzrə hesabat yayıb. Rəsmi məlumatda ay üzrə gündəlik neft hasilatı 790 min barrel göstərilir.
Novator.az bildirir ki, ötən ilin yanvar ayında gündəlik neft hasilatı 814,6 min barrel, fevral ayında 806 min barrel, mart ayında 794 min barrel, aprel ayında 785,7 min barrel, may ayında 801 min barrel, iyun ayında 792 min barrel, iyul ayında 773 min barrel, avqust ayında 774 min barrel, sentyabr ayında 796 min barrel, oktyabr ayında 783 min barrel, noyabr ayında 801 min barrel olub.
Beynəlxalq öhdəliyə görə, 2019-cu ildə Azərbaycanın gündəlik hasilatı 763 min barrel olmalıdır.
Yanvarın 17-də Azərbaycan nefti “AzəriLayt”ın bir barreli 62,75 dollara satılır.
Azərbaycanın 2019-cu il büdcəsində neftin qiyməti 60 dollardan götürülüb. “AzəriLayt” 2019-cu ilə 57,19 dollarla start verib.
