Özəlləşdirmə məlumatı
Əmlak Məsələləri Dövlət Komitəsi 15 yanvar hərracından məlumat yayıb. Xəbərə görə, 8 kiçik dövlət müəssisə və obyekti, 6 nəqliyyat vasitəsi, 1 qeyri-yaşayış sahəsi özəlləşdirilib. İlkin qiyməti 6 min manat olan “Kia Optima” markalı avtomobilə qalib iştirakçı 10 min 100 manat ödəyib. 4 min manat qiymət qoyulmuş eyni markalı digər nəqliyyat vasitəsi 6 min manata satılıb.
Komitənin 22 yanvar hərracına ümumilikdə 76 dövlət əmlakı çıxarılıb. Onların 23-ü səhmdar cəmiyyəti, 33-ü kiçik dövlət müəssisə və obyekti, 20-si qeyri-yaşayış sahəsidir.
