Milli çempionatlardan yeni məlumatlar
İspaniya milli futbol çempionatında 19-cu tur – ilk dövrə geridə qalır. Novator.az-ın məlumatına görə, “Barselona” 43 xalla liderliyini davam etdirir. Onu 38 xalla “Atletiko” izləyir. “Sevilya” və “Real”ın 33, “Alaves”in 32 xalı var.
İngiltərədə 22-ci tura yanvarın 14-də yekun vurulacaq. Turnir cədvəlinin önündə 57 xalla “Liverpul” dayanır. Ehtiyatda bir oyunu olan “Mançester Siti” 50 xal götürüb. “Tottenhem” 48, “Çelsi” 47, “Arsenal” və “Mançester Yunayted” 41 xal yığıb.
Fransa çempionatında 18 oyuna 50 xal yığan PSJ liderdir. “Lill” 20 oyuna 37 xal götürüb, 19 oyun keçirən “Lion” və “Sent-Etyenn” 33, “Monpelye” 31 xal toplayıb.
Digər iki aparıcı milli çempionat hələ tətildədir.
İtaliya çempionatında turnir cədvəlinə 19 turda 53 xal yığan “Yuventus” başçılıq edir. “Napoli” 44, “İnter” 39, “Latsio” 32, “Milan” 31, “Roma” 30 xal toplayıb.
17 turdan sonra Almaniya çempionatında Dortmund “Borussiya”sı 42 xalla öndədir. Onu 36 xalla “Bavariya” izləyir. “Borussiya” (Mönhenqladbah) 33, “Leypsiq” 31 xal götürüb.
