Rəsmi məzənnələr
Mərkəzi Bank yanvarın 11-də avronu yenə bahalaşdırıb. Novator.az-ın məlumatına görə, rəsmi məzənnə 1 manat 96 qəpikdir. 2019-cu il girəndən kurs 2,77 qəpik yüksəlib.
Dəyər artıran Türkiyə lirəsi banklara 0,3137, ucuzlaşan Gürcüstan larisi 0,6371, Rusiya rublu 0,0254 manata təklif olunur.
Rəsmi qiyməti dəyişməyən dollar isə 1,7 manatadır. Bu kurs 2018-ci il martın 7-dən qüvvədədir.
Avro 2019-cu ilə 1,9323, Gürcüstan larisi 0,6346, Rusiya rublu 0,0245, Türkiyə lirəsi 0,3141 manatla start verib.
Dövlət Neft Fondu Mərkəzi Bankın 2018-ci ildə keçirdiyi valyuta hərraclarında satdığı valyutanın həcmini 6 milyard 460,4 milyon dollar göstərib.
Yanvarın 1-nə Mərkəzi Bankın valyuta ehtiyatının həcmi 5 milyard 622,5 milyon dollar olub.
