“Kütləvi çıxarış”ın 2019-cu il siftəsi
Əmlak Məsələləri Dövlət Komitəsi yanvarın 11-i Abşeron rayonunda “Kütləvi çıxarış” kampaniyası keçirib. Rəsmi məlumata görə, 2019-cu ilin ilk səyyar qeydiyyat kampaniyası Xırdalan şəhərində 11 binadan ibarət yaşayış kompleksinin 195 mənzilli 4 binasını əhatə edib.
Sosial aksiyada 80-ə yaxın mənzil sahibinə əmlaklarına dair çıxarışlar təqdim olunub. 50-yə yaxın vətəndaş mənzilinin dövlət qeydiyyatına alınması üçün ilkin sənədlərini komitənin mobil ofisinə təqdim edib. Kampaniya çərçivəsində 100-ə yaxın sakinə hüquqi xidmətlər göstərilib.
