Azərbaycan Rusiya, İran və Suriya ilə bir sırada
“Economist İntelligence Unit” beynəlxalq təşkilatı 2018-ci il üzrə Demokratiya İndeksi açıqlayıb. Novator.az-ın məlumatına görə, indeksdə ölkələr tam demokratik, qüsurlu demokratik, hibrid rejimlər və avtoritar rejimlərə ayrılıb.
Azərbaycan avtoritar ölkələr arasında göstərilir. Rusiya və İran da eyni cərgədədir. Bu tip ölkələrin siyahısını Çad, Mərkəzi Afrika Respublikası, Demokratik Konqo Respublikası, Suriya və Şimali Koreya qapayır.
Türkiyə, Gürcüstan, Ermənistan hibrid rejimlər sırasında gəlir.
Qüsurlu demokratik ölkələr siyahısında ABŞ və Fransa ilə yanaşı Estoniya, Litva, Latviya da var.
Norveç, İslandiya, İsveç, Danimarka, Almaniya, Böyük Britaniya, İspaniya, Kanada, Yeni Zelandiya, Avstraliya və başqa bir neçə ölkə tam demokratik ölkələr kimi göstərilir.
1946-cı ildə Böyük Britaniyada yaradılan “Economist İntelligence Unit” təşkilatının 20-dən çox ölkədə ofisi var.
