Moldovada polietilen torba yasağı başlayıb
Moldovanın pərakəndə ticarət şəbəkələrində polietilen torbalardan istifadə qadağan olunub. Novator.az-ın məlumatına görə, bu, ticarət qanunvericiliyinə 2019-cu il yanvarın 1-dən qüvvəyə minən dəyişikliyin tələbidir.
Qanunvericiliyin yeni müddəalarına əsasən, 50 mikron qalınlığı olan polietilen torbalar mağazalardan yığışdırılır. Həmin torbaların istehsalı və idxalı tam yasaqlanıb, mağazalarda onlar yalnız anbardakı qalıqlar bitənə qədər satılacaq.
2020-ci ildən satışdan ən zərərli hesab olunan 15 mikron qalınlıqlı polietilen torbaların yığışdırılması nəzərdə tutulur.
2021-ci ildən isə malların qablaşdırılması üçün istifadə olunan plastik qablar istisna olmaqla istənilən polietilen torbalara yasaq qoyulacaq.
Səidə Hüseynova
