“İlahiyyatçı” qəzeti çıxıb
Azərbaycan İlahiyyat İnstitutunun “İlahiyyatçı” qəzeti işıq üzü görüb.
İnstitutun mətbuat xidmətindən Novator.az-a verilən məlumata görə, qəzetin ilk sayında prezident İlham Əliyevin İlahiyyat İnstitutunun yaradılması haqqında sərəncamı, Dini Qurumlarla İş üzrə Dövlət Komitəsinin sədri Mübariz Qurbanlının, İlahiyyat İnstitutunun rektoru Ceyhun Məmmədovun “İlahiyyatçı” qəzeti haqqında yazıları, hesabat xarakterli yazılar, müxtəlif mövzularda məqalələr, xəbərlər yer alıb.
“İlahiyyatçı” ayda bir dəfə nəşr olunacaq.
Bu günlərdə İlahiyyat İnstitutunun “Din araşdırmaları” jurnalı da çapdan çıxıb.
İlahiyyat İnstitutu prezidentin 9 fevral 2018-ci il sərəncamı ilə Dini Qurumlarla İş üzrə Dövlət Komitəsinin tabeliyində yaradılıb. Sərəncamla Bakı Dövlət Universitetinin ilahiyyat fakültəsinin institutun strukturuna daxil edilməsi tapşırılıb.
Mayın 31-də Ceyhun Məmmədov İlahiyyat İnstitutunun rektoru təyin edilib.
Dekabrın 27-də institutun 7 nəfərdən ibarət Himayəçilər Şurası yaradılıb və Dini Qurumlarla İş üzrə Dövlət Komitəsinin sədri Mübariz Qurbanlı şuranın sədri seçilib.
